Ikerketa eta lehen ideiak

Analepsis

Atzera begirada bat bota dezagun, historia guzti hau utzi genuen azken puntura. La Niveko unibertsitatearentzat arkitektura eta paisagintza eskola bana eta ikasle-irakasleentzako egoitza eta etxebizitzak eraikitzea zen bidali izan zitzaigun erronka.
Hala ere, aktuazio inguruan aurkitzen ziren faktore eragile ezberdinen analisi zakon batek lekuaren eta inguru gertuaren beste potentzialitate batzuk agerian utzi zizkigun. Esaterako hasiera batean jaso izan genuen orubea "muga egoera" bai programatiko eta  bai fisikoa zeukan espazio sekuentzia baten atal bat baino ez zela. Hori dela eta espazio sekuentzia guzti hori lan materia bezala hartzea erabaki genuen, espazio guzti horiek bateratasunean lantzeko.

Muga espazio guztiek bezala espazio honek alderdi bakoitzeko eragileen arteko nahazketatik sortutako inguru bat osatu behar zuen. Horrez gain, utzik zegoen muga eremu hau izaera aldakorra eta moldakorre izan zezakeen  oasis bat da, babesturiko izoztutako ondarez inguraturik.

Nahaste eta izaera aldakor eta moldagarriko eremu bat izanik, espazio guztia ekintza ezberdinak batuko zituzten partzeletan banandu izan zen, non partzela batzoiko kudeatzaileek erabakiko zuketen zer egin bere "jabegoan".



Ikerketa lana

Puntu honetara helduta argi daukagu proiektuko hitz klabeetako bat nahasketa dela, besteak beste. Beraz, diseñaturiko espazio publiko horretan beharrezkoa izango da nahazketa hori ahalbidetuko duen eraikin bat izatea. Horretarako eraikin hibridoetaz baliatzea erabaki da.

Noiz edo noiz, hitz egin izan digute eraikin hibridoen inguruan Arkitektura Eskolako irakasleek, baina inoiz ez dugu jaso izan beraien inguruko informazio zehatzik, beraien barne ematen den erabilera nahasketaz haratago.

Beraz, zer da zehazki eraikin hibrido bat?

Bi izakien arteko nahasketaren ondorio. Nahasten direnak arrazak, espezieak edo azpiespezieak izanik, eta haiekin konparatuz gero, ezaugarri bat edo batzuk ezberdinak dauzkana.

-wikipedia-

 1.Eraikin hibrido bat eraibilera ezberdinak batzen ditu bere barnean. Hala ere, hori ez da izango nahikoa eraikin hori hibrido kontsideratzeko. Eraikin hibridoetan aurki daitezkeen erabilera ezberdinak beraien artean interaktuatzen dute, eraikin hibridoak oportunistak dira, erabilera ezberdinen artean sortuko diren sinergiak aprobetxatuko dituzte. Hori gertatu ahal izateko bere programa interkonektaturik egon beharko da.

2.Eraikin hibrido bat eta kondentsadore sozial bat ez dira gauza bera. Kondentsadore sozial batek eguneroko behar guztiak bere barnean biltzea bilatzen duen bitartean, bera hiri bilakatuz, eraikin hibrido batek hiriaren parte izatea bilatuko du.

3. Eraikin hibridoak hiri barnean kokatzen dira, bertako hiri sarera moldatuz. Eraikin hibridoak hiriaren parte izan nahi du.

4.Eraikin hibridoak konplexuak izango dira. Konpaktuak izango dira, segregazioaren aurka agertuko da. Dentsoak izango dira. Erabilera nahazketa konplexua bilatuko dute.

5. Eraikin hibridoak esfera publiko eta pribatuak nahastuko ditu bere aspektu guztietan: sustaketa, kuedeakoeta, jabegoa... eraikin hibridoaren eskuetan egongo da publiko eta pribatuaren elkarrekintza bilatzea.

6. Eraikin hibridoa kontenedore erraldoi bat izango da, non bere barnean elementu ezberdinak batuko dituen. Kanpoko azalak jada ez dauka barneko edukuarekin lotura.

7. Eraikin hibridoak hiri eskala izango du, eta askotan hiri eskalari dakokizkion  erantzunak jaso beharko ditu bere ebazpenak. Eraikin hibridoak askotan eraikin soilaren funtzioa alde batera utzi eta azpiegitura lana ere bere baitan artu behar izango dute. Kale funtzioa, komunikadore funtzioa.

Proiektuaren lehen ideiak 

Proiektuari ekiterako orduan aurkitzen dugun lehen gauza hiri eta unibertsitatearen arteko erlazio fisiko gogorra da. 14 metro inguruko bertikal batek banatzen ditu. Hori dela eta unibertsitatearen kotara hiri atal bat eraiki nahi da, kale bat, zein eraikinaren muina izango den. Kale/sare hau hiriaren gainean superposizioan kokatuko da. Aldi berean kale horren inguruan eskatzen den programa guztia kokatuko da batzutan goitik, beste batzutan behetik gune pribatuenen kasuan eta kalean bertan interes publikoko programa.

Kale horrek unibertsitateren kotara jarraitzen duenez bai komunikatu eta bai sostengatu egin beharko da. Lan hori altzairuzko barrez eraturiko zutabe triangulatu organiko erraldoi batzuk beteko dute, zeintzuek egitura lana egingo duten eta beraien barnetik instalazio eta komunikazioak eramango dituzten.

Border Lands Activation System

Analepsis

Manifestua

    Hiri barnean proiektatzerako orduan beti ahalegintzen gara eraikina  bere  inguru  fisikoan  nolabait  integratzen. Hala ere, zenbaitetan  eraikin  edo  eraikin  multzo baten eragina hirian errealitate fisikotik, beste errealitate batzuetara hedatu daiteke, errealitate soziala,  kulturala edo ekonomikoa esatera.

Beraz, beharrezkoa izango da inguru fisikoarekin gain, inguru ekonomiko, kultural eta sozialarekin lan egitea.

Erlazio fisikoak

    Enkarguz jasoriko orubea Nive-ko unibertsitatea eta Baiona hiriaren artean aurkitzen den eremu batean dago. Gune hutz eta txarto aprobetzaturiko espazio sekuentzia baten parte, muga fisiko  batean kokatuta egoteaz gain muga programatiko eta sozial batean kokaturik dago. Muga egoera hau interesgarri ikusis muga espazio sekuentzia osatzen duten gainerako orubeak ere proiektuan barneratu dira.

Pertsona eta espazio fisikoen arteko erlazioa

    Hiritarren eta hiriaren arteko erlazioak aztertzen konturatu gintezke Baionak espazio publikoz ondo orniturik dagoen arren ez daukala espazio publikorik non hiritarrek kolektiboki interbenitu dezekeen.
Unibertsitateari dagokionez normalean izan ohi duten jarrera autarkikoa dela eta hiritarrak ez dira unibertsitatera gerturatzen eta unibertsitarioak ez dira hainbeste hirira gerturatzen. Beraz, beharrezkoa ikusten da hiritarrek unibertsitarioekin elkarlanean interbenitzeko aukera ematen duten espazioen sorrera.


Pertsonen arteko erlazioak

    Muga egoera horretan elkar ikusiko dute unibertsitarioak eta hiritarrak, eta bien arteko elkarlana burutu beharko dute, posiblea al da?
Gaur egunean Baionatarrek hiritar partadaidetza gutunaren bidez, hiritarren errepresentatzaile diren kide talde baten ganbara batek  hiritarren interesak defendatzen ditu.
Aski ezagunak dira ikasle eta irakasleen artean osaturiko tailer kolaboratiboak. Beraz, giro horretan, zergaitik ez da emango elkarren arteko partaidetza eta lankidetza aktibitateak?


Espazio Publikoa

Aniztasuna, aldakortasuna, hiritarren interbentzioa eta unibertzitatearekin elkarlana sustatu nahi izan da proiektu honetan. Kontuan izanda gure xedea lortzeko beharrezkoa den ekintza kopuru mota anitza, orubearen partzelazio sistema bat planteatzen da,  aldakorra, moldakorra, esperimentaziorako gune bat non unibertzitario eta hiritarrak izango diren protagonistak


Ordenantzak

Eskuarteetan dugun lanak arkitektura lan baten eskala gaindituta hirigintza proiektuaren eskala izateaz gain, proiektuaren barnean emango diren erabilera aldakorrek hirigintza proiektu baten indefenizio mailak dituen kalifikazio/klasifikazio sistema eskatuko digu.


Kudeaketa

Orubeen kudeaketen banaketa aldakorra izango da. Aniztasuna, aldaketa eta efimerotasuna bultzatzeko bidean. Hala ere, banaketa hori ez da arbitrarioa izango. Izan ere, gune bakoitzak kuadatzeile jakin batzuen erabilera jakin batzuk biltzeko egokiagoak izango dira.

Adibidez eleizaren iparraldera dauden lur lasaiak kudeatzaile pribatuentzat apropsak dira, edo eleizaren ingurukoak eleizaren elkartearentzat. Hala ere, zonifikazioa ekiditeko intentzioagaz portzentai nagusi bat erabilera jakin horietara bideratuko den arren beste kudetzaile batzuen puntuak txertatuko dira.

Adibidez, eleiza inguruan:
%75 eleizaren elkartearentzat
%10 udalarentzat
%5 unibertzitatea
%5 paisagintza eskola
%5 hiritar autonomoak

Estrategia

Proiektua honen emaitza orubean eragiten duten eta eragiteak nahi ditugun faktore ezberdinen superposizioarekin lortu izan da. Mota ezberdinetako faktoreak hartu izan dira kontuan, faktore fisikoetatik faktore sozialetara, faktore programatikoetatik pasatuta. Izan ere, gure helburuetako bat proiektua inguru fisikoan integratuta egoteaz gain, inguru ekonomiko, sozial eta kulturalean ere integratuta egotea lortzea da.

Programa

Programa garatzerako orduan ezinbestekoa dugu gure ingurua ezagutzea. Horretarako inguruan ditugun puntu erabilgarriak bereganatu eta integratu beharrak daude. Gure kausan bi dira puntu hauen iturri. Batetik, unibertsitatea ikasle eta irakasleen formakuntzan zentratua, eta bestetik hiria gizartearen ongizatearen bila. Gure programak bi puntu hauek bateratu egin beharko lituzke programaren atal bakoitzari gune egokia emanez. Horren irudi dugu azpiko irudia, non emaniko programa, programa gehiagarri batekin lagundurik orubean nola ezarri beharko litzatekeen aurkezten digu.

F.A.Q. Baiona

 

Manifestua:

    Hiri barnean proiektatzerako orduan beti ahalegintzen gara eraikina  bere  inguru  fisikoan  nolabait  integratzen. Hala ere, zenbaitetan  eraikin  edo  eraikin  multzo baten eragina hirian errealitate fisikotik, beste errealitate batzuetara hedatu daiteke, errealitate soziala,  kulturala edo ekonomikoa esatera.

Beraz, enkargatu izan zaizkigun eraikinen integrazioa  hirian lortzeko beharrezkoa ikusten dugu agente ezberdinen erlazioak zehaztea beraien arteko sinergiak eta sinbiosiak bilatuz proiektuaren integrazio total bat bilatzeko. Horretarako erlazio ezberdinak astertuko dira, baloratu eta azkenik beharko balitz modifikatu eta modifikazio hori gauzatzeko ze pauso eman behar diren aztertu.

Aztergai daukagu

Baiona, 44.406 biztanleko hiria. Lapurdiko hiriburu, Iparralden. Errobi eta Aturri ibaiak elkar aurkitzen diren puntuaren inguruan erakia. 1998an Unesco gizadiaren ondare izendatu zuen. Bere ekonomia turismoa, komertzioan eta industria siderurgiko eta kimikoan oinarritzen da.

/Wikipedia/

 

1.Lekua - Leku Erlazioak: eremu fisikoen arteko erlazioa

NOLAKOA DA ORUBBEAREN ERLAZIOA BERE INGURU GERTUAREKIN?

Zer dauka Iparraldean? Zein erlazio sortu beharko litzateke bertan dauden elementuekin?

Rue Peletier, Noizbait orubea okupatu izan duten eta gaur egun dauden etxebizitza eraikinen artean doan kalea. Ezinbestekoa kalea mantentzea, hiri zirkulazioak ez haustekoeta orubean eratu daitekeen espazio publikoek hiriarekin lotura bat izateko.


Zer dauka Ekialdean? Zein erlazio sortu beharko litzateke bertan dauden elementuekin?

Kanpuseko erakinak. Kontuan izanda administrazio berdinarenpean daudela posiblea da programa komunen bitartez erlazioak sortzea. Ezinbestekoa izango da egun tokian dagoen hegoaldeko administrazio bulegoetara eltzeko dagoen pasoa mantentzea.

Zer dauka hegoaldean? Zein erlazio sortu beharko litzateke bertan dauden elementuekin?

Administrazio eraikinak. Orubea eta erekinen artean harrexi baten bidez mugaturiko  gune bat dago. Eraikinekin publikoak diren arren ez dute publikotasunik erakusten, baliteke bere iragan militarragaitik izatea. Gotorleku izaera hori potentziatu beharko litzateke?


Zer dauka mendebaldean? Zein erlazio sortu beharko litzateke bertan dauden elementuekin?

Errobi  ibaia. Ahazturik elementu handia. Erdiaroko hiriaren bizkarretara bizi da. Interesgarria liteke puntu honetan nolabaiteko loturagune bat ezartzea berarekin.


Zer dauka behekaldean? Zein erlazio sortu beharko litzateke bertan dauden elementuekin?

Aztarnategia. Historian zehar orubeak hainbat eta hainbat aldaketa jaso izan ditu. Bertan garai ezberdin bakoitzean eraikin ezberdinak egon dira kokatuta, konbentu batetik arselan militar bateraino. Gaur egun seguruenik bertan jarraituko dituzte eraikin hauen zimenduen aztarnak. kontuan hartzekoak duten balore historikoagaik. Interesgarria liteke ziemendu horiek aprobetxatzea, ondare ondar gehiago ez sortzeko bidean.


Zer dauka goian? 

43°29′33″N 1°28′35″W koordenatuetan aurkitzen den zeru puxka.

 

 NOLAKOA DA ORUBBEAREN ERLAZIOA BERE GERTUTASUN ERDIKO
INGURUAREKIN?

Orubea beste eskala batera aztertzen badugu, konturatu gintezke nola, baluartea ete hiri trinkoaren artean ageri den espazio residualen sekuentzia baten barte den. Espazio hori muga fisiko bat izateaz gain muga programatiko bat ere izango da, ekipamendu  eta etxebizitza artean. Muga egoera horrtan espazio biak zerbitzatzen dituen aparkaleku bilakatu da.

Zer egin mugarekin?
Gilles Clement-ek  hirugarren paisaiaz hitz egitean kontatu zigun bezala, muga eremuak dira eremu guztien artean aberatzenak, bertan batzen baitira alde bakoitzeko indarrak aniztasun maximoa lortuz. Dudarik gabe, hainbesteko potentziala duen gune hau ezin daiteke parking bat bezala desaprobetxatu.

 NOLAKOA DA ORUBBEAREN ERLAZIOA BERE INGURU URRUNAREKIN?

Azken atzerrabizta bat egiten badugu lekuan konturatu gintezke hiriari berez, espazio berderik ez zaiola falta. Erdiaroko hirigune trinko guztia  noizbait baluartea izandako terreno berdez dago inguratua, zeinetan hainbat kirol ekipamendu dauden. Gure orubea hiritrinkoak berdeguneak eta ibaiak inguratzen dute, Beraz...

Zer izan behako litzateke gure orubea, berdegune, hiritrinko edo ibai?
Gure orubea hiruren arteko trantsitzio gune bat izan beharko da, beraz, berdegune, hiritrinko eta ibai izan beharko da.

     

Lekua - Pertsona Erlazioak: Giza faktoreak eta eremu fisikoen arteko erlazioak

NOLAKOAK DIRA HIRIA-HIRITARRAK ERLAZIOAK?

 

Nolakoa da hiria?
Baiona ondare arkitektoniko garrantzitsu bat du. Unescok babestua. Horrek espazio  eta eraikin publiko asko izostuta egotea ekarri du. Berain garai bateko itxuraren islada mantenduz papelez osaturiko antzigar geruza batenpean

Baiona hiri turistiko bat da. Ipar Euskal Herriko hiri nagusia. Horrek espazio eta eraikin publiko gehienak turistentzako prestatuak egotea ekarri du.

Zer behar da?
Eraldatu daitezkeen espazioak behar dira, non elementu efimeroek hiritarren beharrak aldatu ahala aldaketak jasoko dituzten, ondare babes lege baten barruan aurkitzen ez den eremua.

Hiritarrentzako espazioak, behar dira, Hiritarrentzako pentsatuak, hiritarren beharrak asetzeko eta ez turismoarenak.

zein estrategia jarraitu?
Dudarik gabe ezin daiteke planteatu babesturik dagoen ondarea eraistea, Baionako gizartearen historia eta identitatearen erakusle izateaz gain, gizadio osoarentzat interes kulturaleko eraikinak baitira. Ezin daiteke ordea planteatu eraikinak bere baitan izostea, bestela hiria egungo bizimodua jaso ezingo duen hiri museo soil bat bilakatuko da. Diogenesen Sindrome arkitektonikoa ekidin behar dugu hiritxokoak izaten jarraitu ahal izateko. Galderari erantzuna... Eraikin eta espazioen birtziklatzea, beste funtzio garaikide batzuetara moldatu

 

.

NOLAKOAK DIRA HIRITAR-UNIBERTSITATE ETA UNIBERTSITARIO-HIRI ERLAZIOAK?

Unibertzitateak gehienetan aurkitzen den hiriarekiko jarrera autarkiko bat hartzen du. Modu honetan hiriarengandik ahalik eta dependentzia maila txikiena lortzen saiatzen da. Horrek dakartzan arazo guztiekin. Zonifikazioa, urteko hilabete jakin batzuetan eta eguneko ordu jakin batzuetan aktibitaterik ez dagoen  eremuen sorrera, ekipamenduen bikoizketa, elitismoa... Jarrera autarkiko horretan hainbat eta hainbat emaitza negatibo aurki genitza.


Zein estrategia jarraitu hau ekiditzeko?

    Berebizikoa da jarrera autarkikoarekin bukatzea eta unibertsitatea eta hiriaren artean elkartrue sinbiotiko bat bultzatzea. Honek bai hiri eta bai unibertsitateari onunak ekarriko lizkieke biak baidaukate  elkarri zer ezkeini. Hiriak kafetegi, jatetxe, kirol ekipamendu etabar ezkeini ditzake, unibertzitarioak bezero bilakatuz eta ekonomia lokala potentziatuz. Unibertsitateak berriz, hiritarrentzako, aretoak, seminiarioak, esposaketak eskeini ditzake, jakintza hiriari irekiz.

NOLAKOAK DIRA UNIBERTSITARIO-UNIBERTSITATEERLAZIOAK?

        Zaila da definitzea unibertsitario baten erlazioa unibertsitatearekin, izan ere, bai unibertsitarioa eta bai unibertsitatea egoera aldaketa, baina orokorrean esan daiteke unibertsitarioa ez dutela hainbeste erabiltzen dituzten espazioen gan eraldaketak sortzeko aukerarik. Kasurik arruntena, gela, areto edo liburutegi espazio generikoak erabiltzen dira, zeinek ez daukan zertan ezegokia izan behar.
Hala ere, hain aldakorra den erabiltzaile bat dugula kontuan izanik, interesgarria izan daiteke kolektiboki aldatuko diren espazioen eraketa, erabiltzaileen jarrera aktiboago bat lortzeko eta ,elkarlanean, beraien artean loturak eratzeko.. 

Pertsona- Pertsona Erlazioak: giza faktoreen arteko erlazioak

NOLAKOAK DIRA HIRITAR-HIRITAR ERLAZIOAK?

                Baiona Agenda 21-aren ekimenaren barnean hiritarren parte hartze karta idatzi zuen pasadan urtean. Honen bitartez udaleko erabakietan hiritarrek badute zer esan. Hiria sektoreka banatzen da. Sektore bakoitzean hiritar biltzarrak gauzatuko dira eta ondoren sektore bakoitzeko ordezkarien artean udaleko erabakietan botoa izango duen kamara bat eratuz.

                Honek Baionan partaidetze espiritu bat badagoela erakuzten digu, eta posiblea dela hiritarrak elkarlanean jartzea ongizate komuna lortzeko xedearekin.

NOLAKOAK DIRA HIRITAR-UNIBERTSITARIO ERLAZIOAK?

                Unibertsitarioak hirian pasozko biztanleak izan ohi dira ikasten duten hirietan (hiria kuestioan bere jaioterria ez bada, noski). Unibertsitatera heldu, ikasi, gainditu eta ospa. Tartean zenbait parranda.

Interesgarria litzateke, irakaskuntzan heziketa programaren konplementu bezala zenbait jarduera planteatzen, non interes komunak partekatuz, hiritarren eta unibertsitarioen artean, sinergiak sortuz, hiria hobetzea planteatzen den.

Hiritarrek lehen mailako laguntza profesionala jasoko lukete berain hiria hobetzeko, unibertsitarioak berriz berien ideiak praktikara eramateko aukera eta lekuko errealitaren dimentsio berriak ezagutzeko parada izango luke. Eta bai hiritarrek eta unibertsitarioak lortuko lukete beste modu batere posible ez den lotura pertsonalak.

NOLAKOAK DIRA UNIBERTSITARIO-UNIBERTSITARIO ERLAZIOAK?

            Unibertsitatean maiz gertatzen da bai irakasle-irakasle, ikasle-irakasle edo ikasle-ikasle taldeak batzea osatzea tailer edo ikerketak gauzatzeko ikasketa programatik kanpo. Enkarguan irakasle eta ikasleentzako bizitegiak ikasten dira. Interesgarri litzateke, irakasgelatik kanpoko arreman horiek gertaarazi eta potentziatzen duen arkitektura bat planteatzea sujetuen arteko elkarlaguntza sustetzeko.

Ondorioak: Programaren birdefinizioa eta aktuazio eremuaren birpartzelazioa

Jasotako eremuaren eta programaren leku ezberdinen , pertsona eta leku ezberdinen eta pertsonen arteko erlazioak aztertu ondoren orubea birpartzelatu egin da, muga berriak ezarriz, eta programa berrinterpretatu da, bertako elementu eta partaideen artean erlazio berriak planteatuz. 

PROGRAMAREN BERRINTERPRETAZIOA

Eskuartean dugun lursaila muga fisiko eta programatikoan eratzen duten espazio publiko sekuentzia baten atala bat da. Muga egoera gaitzetsi beharrean potentzial bezala ulertu daiteke, Gilles Clement-ek esan bezala, mugetan gertatzen dira gauzarik interesgarrienak. Hori dela eta prograba birplanteatu egiten da egoera hori aprobetxatzeko eta agente ezberdinen artean sinergiak bilatzeko.

ORUBEAREN MUGA BERRIAK:

            Muga egoerak orubea aldakor bilakatzen du, ezegonkor. Baiona hiri turistiko bat dugu, Baiona ondare arkitektoniko garrantzitsu bat duen hiri bat da. UNESCO-k babestua. Bere espazio publikoa bi faktore hauen menpean daude. Ez dago Bainoan espazio aldakorrik... Muga egoera hau daukagun toki honetan aurki genezake aldakorra izan litekeen espazio hori sortzeko aukera. Non hiritarraka eta unibertsitarioak elkarlanean beraiena den espazio hori eraikiko duten.

            Paisagintza eskolatik ortu urbanoak, lorategi eta negutegi kolektiboak sortzeko ekimenak sortuko dira, hiritarren partaidetzarekin bat. Arkitektura eskolako ikasleek eraikin efimeroen diseinuak gauzatueta eraikiko dituzte hiritarrekin batera , aldian aldian, hiritarren eskaerak hazetzeko.

Esperientzia eta jakinduria elkartruke bat egongo da, eta baita, jakintza eta esperientzia berriak sortuko dira, baten bat aipatzearren, hiria denon artean elkarlanean erakitzea posiblea dela.

Nola defendatu setiatutako leku bat -ekintzaile parteartzailearen sukalde eskuliburua-

HELBURUA

-Proiektu honen helburua ez da emaitza bukatu bat ematea, baizik eta prozesu aberatz eta multidistiplinar batek emaitza bukatu bat lortzeko behar dituen baliabide arkitektonikoak hasetzea -

EPILOGOA zergatik partaidetza?

prozesuaren PARTAIDEAK eta partaideen PROZESUA

 1. fasea: Lekuaren deia Hiriari


Oso garrantzitusa izango da lehen kontaktua, partaideen kaptazioa. Gure lehengo beharra jendeari “zerbait” gertatzen hari dela kontatu behar diogu, ondoren “zer”,”non”, “noiz”, “zergaitk” ,”nork” ,”nori” eta “non” jakiarazteko, baina denetan klabea “non” izango da,  hiritarrak gainerako erantzunak jasotzeko nora joan behar duten jakiteko.
Hori lortzeko hiritarrek lekuarekin identifikatzen duten elementu bat erabiliko dugu, Kardenalaren estatuaren peanaren egurrezko replikak, non egoki jantzi eta makillaturiko mimo batek kardenalarena egingo du.


Hiri guztitik sakabanaturik hasierako fase batean ziurgabetasuna sortuko dute biztanleengan. Ez dute jakingo ez nor, ez nork , ez noiz, ez nori , ez zenbat,ez nola... Soilik, NON. Reduktoan...
Behin bere funtzio pasiboa bukatu duela aktiboki funtzionatzen hasiko da. Peanatik hainbat tramankulo aterako dira (mahaiak, ezartokiak, argiak, garagardo tiradoreak bafleak...) bere bi funtzioak betetzeko. Goizez inkesta kafetegi bat, soiziologo talde batek prestaturiko inkesta betetzearen truke kafea edo otartekoa. Gauez aire libreko Pub bat, dardo eta guztiduna, non  ahoz aho zabalduko den mezua: Reduktoan zerbait ari da gertatzen.

 erraztasun hansiz montatzen den elementu bat izango da. CNC bidez egindako zurezko mieza maklagarrien bidez.

 

 

 

 

 

 

 

 

2. fasea: Hiria Voyeur

Behin begirada guztiak lekuaren gainean jarri ondoren kaptazio prozesua bigarren fasean sartuko da. Fase honetan orubearen inguruan kokatuko gara. Helburua tokiaren memoria berrezkuratzeko eta ulertzeko egin beharreko indusketak arreta kaptazio bezala erabiltzea da. Argi dago, hiritarrak, ez direla bat batean lekuaren inguruko ezagutza arakatzen duen aktibitate honetan sartuko. Seguruena, hiritarrak beste obra zibil bat bailitz bezala kanpotik begiara posizionatuko dira, hau da voyeur figura batean bilakatuz.Fase honetako helburu, interes pozisio hori erreztea izango da, biztanleak gehiago gerturatzeko xedearekin. Hori lortzeko orubearen alboan dagoen autobus geltokiaren inguruan bideo pantallak kokatzea izango da. Pantaila horien bitartez indusketen inguruko informazioa emango zaie, “Gran Herman” bat bailitz bezala. Horrez gain, inguruari loturiko pertsonai ezberdinen inguruko informazioa igorriko da, eta baita Vaubanen informazioa ere.

Informazioa proiektatu dituten pantailak CNC bidez moztutako xafla atalen bitartez eraikiko dira. Elkarrekin erreztazun handiz maklatu eta puntualki L metalikoekin errefortzatuko dira. Prozesu guztia bukatu ondoren desmontatu eta beste nonbaiten erabili daitezke, birziklatu edo biomasa erregai bezala

 Bolumenak proiektatzerako orduan jada, prozesuaren heziketa atalari ekin diogu. Fase honetako helburua esan dugun bezala, indusketa batzuen bitartez arrasto arkeologikoak ateratzea izan da, hauen bidez, hiritarrek lekuaren prespektiba aberatzago bat izan dezaten , lekuak historian zehar izandako bolumena ulertuz. Baina tamalez, arrasto asko errepide azpian daude. Hori dela eta pantailentzako euskarriak arrasto horien bolumena imitatuko dute, eta autobidea pasatzen den lekuetan lurrean bertan margotuko da harrezi zaharrek izandako oina

3. fasea: Hiria Ikasle Pasibo

  Hirugarren fase honetan hiritarrak lekuaren izate berriarekin lehen kontaktua ahalbidetzean datza horretarako, bigarren faseko indusketak gauzatzen diren bitartean harreziaren gainetik zurezko pasarela bat eraikiko da.

Pasarela hau ez da izango igarobide soil bat. Bere bistako funtzioaz gain, pantailen euskarriekin batera fortifikazioaren bolumen originala osatuko du, kateak botatzeko dorrearekin barne. Honen bitartez, hiritarrak tokiaren bolumetria beste modu batera ulertzen hasiko dira. Heziketa prozesua hasi da.

 Inguraren pertzepzio berri bat jasotzeaz gain, pasarelan esposaketa panelak egongo dira kokaturik. Panel horien bitartez oso oinarrizko informazioa jasoko tdute lekuaren inguruan eta beste zenbait faktoreren ingurua, esatera Vauban edo kardenala.

Itsura batean herritarrek afektu gehiegirik ez diotela iruditu arren, kontserbatu egiten da, memoriaren parte, herriaren esanaren zain.

4. fasea: Hiria Ikasle Aktibo

 Laugarren fase honetan prozesua gertatu ahal izateko orubearen egokitze lanak bukatu egiten dira. Habilitazioaren azken fase bezala hiritarrak aztarnetara bertara hurbiltzeko ahalmena ematen zaie, bertan heziketa prozesua bukatu eta proiektatze lanari ekiteko. Hau lortzeko beharrezkoa izango da kalearen kota eta  aztarnen kota lotzea. Honetarako eskailera batzuk eta igogailu bat izango duen bolumen bat erakiko da, pasarelaren sistema konstruktibo berarekin. Bolumen hau ez daedozelango bolumena izango, forma harrezi zaharren aztarnetatik jaiotzen da, honen estruzio bezala. Era honetan harrezi zaharraren atearen prezentzia orubearen aldameneko kalean osotasunez irudikatzea lortuko da, beti ere hiritarren lekuaren pertzepzioa aberaztuz.

Fase honetan hiritarra ikasle-ikusle pasibo bat izatetik ikasle aktibo bat bilakatzera pasatzen da, bertan emango diren konferentzi eta mahaiinguruetan kontzienteki parte hartzen. Ekintza hauek antolatu ahal izateko beharrezkoa izango da horretarako erabil daitekeen espazio funtzioanitz bat  antolatzea.

DEJAVU Laugarren fase honetara behin heldu ezgero, jada hiri guztian zehar lehen kaptazio fasea bukaturik egongo da, hori dela eta “pub” peanak ez dute erebilerarik izango, beti ere, auzoko edo espazio publikoko kideek bere gain ez batute hartzen artefaktoaren kudeaketa.

Hori dela eta “katxarro” hauek Baionako zerbitzutik atera aurretik partaidetza prozesuak iraungo duen bitartean  bertara ekarriko dira, giroa animatu dezaten eta hiritarrak prozesuan parte hartzera sustatzen jarraitu dezaten.

Obejtu hauentzat lekurik aprobosena hegoaldean geratzen den triangelua izan daitekeela  uste da, bertan izango diren aztarna urriak direla eta.

Gainera espazio ludikoari interes gehiago emateko xedearekin  indusketak hasi aurretik orubetik ateratako zuhaitz erraldoiak bueltatuko dira lorontzi erraldoi batzuetan landaturik, haiek ere, orubearen memoriaren parte baitira.

THE SHOW MUST GO ON !

Behin orubearen egokitzapena bukatu izan denean  eta hiritarren heziketa prozesu osoa jaso izan dutenean , hau da, orubearen inguruko faktore guztiak eta beraikin erlazionatutako (eta erlazionatu nahi diren) pertsonak ezagutu eta ulertu dituztenean, proiektatze prozesuarekin hazteko garaia heldu da.


5. fasea: Hiriaren ahotsa
Fase honetan zehar hiritarrek lekuak zer izan behar duen adostuko dute, hau da, bestere era batera esanda, lekuarentzako programa aukeratuko dute foro ireki batean. Behin gunearen historia ezagutzen dutelarik eta berarekin erlazionatzen diren figurak, Vauban edo Kardenala adibidez,  erabakiko dute ea bertan afektu kolektibo bat daukan pertsonai baten memoriari eskeiniko dioten  lekua edo beste edozein programa bat txertatuko duten beraien beharrazk hasetzeko.

6. Fasea: Hiria Hiria proiektatzen
Behin programa adostuta eta programa horren biabilitate ekonomikoa politikarien oniritzia jaso ondoren, proiektuari ekiteko garaia helduko da. Proiektua teknikari batzuek gauzatuko dute hiritarrekin batera publikotasun ezberdineko foroen bidez, batzutan foro erabat irekietan , beste batzuetan ordezkariekin eraturiko foro murriztuago batean.

7. Fasea: Hiria Hiria eraikitzen
Behin fase honetara heltzean, proiektua adostuta eta oniritzi guztiak lortu dituenean, Eraikitzea baino ez da geratzen. Nolako proiektua izango den?... Inork ez daki... Milaka pertsonen iritzi , desira, nahiak eta ametsak biltzen dituen proiektu bat ezin baitateke aurreikusi, baikoitza ezberdina baita. Soilik... gertatu egiten...

TO BE CONTINUED...